МУРОҶИАТНОМА ОИД БА ОҚИЛОНА ИСТИФОДА БУРДАНИ ЗАМИНҲОИ НАЗДИҲАВЛИГӢ

Ҳамдиёри муҳтарам,
Ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мавриди таъмини шароити арзандаи зиндагӣ ва истифодаи самаранок аз ҳар порча замин бо мақсади беҳтар гардонидани вазъи таъминоти рӯзгор бояд дар меҳвари таваҷҷуҳи ҳамагон қарор гирад.
Дар ҳамин робита, мову Шуморо зарур аст, ки ҳар як ваҷаб замини назди ҳавлии худро оқилона истифода бурда, бо ин васила, хароҷоти рӯзгорамонро камтар ва вазъи иқтисодии оилаамонро беҳтар намоем.
Бинобар ин, хоҳишмандем, ки дар замини назди ҳавлиатон маҳсулоти кишоварзӣ, аз қабили картошка, наску нахӯд, лӯбиё, мош ва монанди инҳоро кишт намуда, бо ҳосили заҳмати худ як қисмати талаботи рӯзгоратонро таъмин намоед.

Раёсати Агентии суғуртаи иҷтимоӣ ва нафақаи назди

Ҳукумати Ҷумҳурии Тоҷикистон дар вилояти Хатлон